“Barselona”nın baş məşqçisi Hansi Flik həmkarı Xabi Alonsonun vəzifəsindən uzaqlaşdırılması ilə bağlı fikirlərini bölüşüb.

Offsideplus.az xəbər verir ki, almaniyalı mütəxəssis bu qərarın futbola xas olduğunu bildirib:

“Bu, futboldur və bu, mənim işim deyil. Deyə biləcəyim odur ki, Xabi ilə yaxşı münasibətimiz var. "Leverkuzen" dövründə tanış olmuşuq və əlaqəni saxlamışıq.”

Flik Alonsoya dəstəyini də ifadə edib:

“Ona ən yaxşısını arzulayıram. Əminəm ki, tezliklə özü və məşqçilər heyəti üçün çox yaxşı bir layihə tapacaq.”

Baş məşqçi sonda ispaniyalı mütəxəssisin gələcəyinə inandığını vurğulayıb:

“Bu, futboldur və yolumuza davam etməliyik. Amma Xabi əla məşqçidir və onu qarşıda parlaq gələcək gözləyir.”