Azərbaycanın 18 yaşadək voleybolçu qızlardan ibarət yığmasının Avropa çempionatının II təsnifat mərhələsində qarşılaşacağı komandalar məlum olub.

Offsideplus.az Azərbaycan Voleybol Federasiyasına istinadən xəbər verir ki, millimiz martın 27-dən 29-dək İspaniyada təşkil olunacaq C qrupunda mübarizə aparacaq.

Şahin Çatmanın baş məşqçisi olduğu komandamız qrupda ev sahibi İspaniya ilə yanaşı, Estoniya və Niderland seçmələri ilə üz-üzə gələcək. Təmsilçimiz turnirə martın 27-də İspaniya ilə oyunla başlayacaq, növbəti günlərdə isə ardıcıllıqla Niderland və Estoniya ilə qarşılaşacaq.

Xatırladaq ki, bu mərhələdə 20 ölkə 5 qrupda gücünü sınayır və yalnız qrup liderləri AVRO-2026-nın final mərhələsinə vəsiqə əldə edəcəklər.

C qrupunun təqvimi:

27 mart

20:00. Estoniya – Niderland

22:30. İspaniya – Azərbaycan

28 mart

20:00. Niderland – Azərbaycan

22:30. Estoniya – İspaniya

29 mart

20:00. Azərbaycan – Estoniya

22:30. Niderland – İspaniya