Koronavirusa yoluxan Azərbaycan Cüdo Federasiyasının mətbuat xidmətinin rəhbəri, tanınmış jurnalist Elnur Əşrəfoğlunun vəziyyəti ağırdır. 

Offisdeplus.az “Qafqazinfo”ya istinadən xəbər verir ki, bu barədə federasiyanın baş katibi Elmar Babanlı məlumat verib. 

O bildirib ki, E.Əşrəfoğlu süni tənəffüs aparatına qoşulub: “Onun ağciyərlərində 85 faiz buzlu şüşə aşkarlanıb. Elnur süni tənəffüs aparatından başqa, həm də dializ aparatına qoşulub. Çünki onun böyrəyi yoxdur. Bu səbəbdən də dializə ehtiyac var. Həmçinin hazırda saturiyasiyası 70 faizdir. Vəziyyəti heç də ürəkaçan deyil. Bütün tədbirlər isə görülür”.