PSJ klubunun daxilində gənc qapıçı Lukas Şevalye ilə bağlı gərginlik yaşanır.
Offsideplus.az xəbər verir ki, komanda yoldaşlarının bir çoxu fransalı qolkiperin kollektivdən uzaq durma səbəblərini anlamaqda çətinlik çəkir.
Klub daxilindəki mənbələrin məlumatına görə, bu təcridolunma halı təkcə futbolçuların deyil, rəhbərliyin də diqqətindən yayınıb. Qeyri-adi xarakteri ilə seçilən gənc qapıçı, komanda daxilində tez-tez anlaşılmazlıqlarla qarşılaşır və özünü qrupdan kənarda tutur.
Hazırda PSJ rəhbərliyinin bu "soyuq müharibə"ni aradan qaldırmaq üçün hansı addımları atacağı maraqla gözlənilir.
