Kişi həndbolçular arasında Azərbaycan çempionatında 2-ci turun matçları keçirilib.

Offsideplus.az  xəbər verir ki, növbəti oyun günündə meydançaya əvvəlcə “Bakı” və “Məhsul” komandaları çıxıblar. Rəqiblərin ilk turdakı oyunu 29-28 hesabı ilə "2-ci"lərin xeyrinə nəticələnmişdi.

Azarkeşləri önünə revanş hissi ilə çıxan son çempion çox çalışsa da, istəyini reallaşdıra bilməyib. Baxmayaraq ki, ilk hissə 14:9 hesabı ilə “Bakı”nın xeyrinə başa çatıb. Amma, fasilədən sonra yüksək əzmkarlıq göstərən “Məhsul” hesabda tarazlıq yaratmağı bacarıb - 21:21.

Görüşün əsas vaxtı heç-heçə ilə başa çatıb – 21:21. Qalibi müəyyənləşdirən penaltilər seriyasında isə zərbələri daha dəqiq yerinə yetirən “Məhsul” son çempion üzərində ardıcıl ikinci qələbəsini rəsmiləşdirib – 25:24.

Günün digər oyunlarında “İdman Akademiyası” kollektivi RİOEUGİM komandasına 34:30, “Təhsil” isə U-16-ya 46:22 hesabı ilə qalib gəlib.