Azərbaycanlı FIFA referisi Əliyar Ağayev UEFA-dan yeni təyinat alıb.

Offsideplus.az xəbər verir ki, 37 yaşlı hakim Çempionlar Liqasında "Kopenhagen" (Danimarka) - "Bayer" (Almaniya) oyununu idarə edəcək.

Onun köməkçiləri Zeynal Zeynalov və Akif Əmirəli, görüşün dördüncü hakimi isə Elçin Məsiyev olacaq.

Görüş sentyabrın 18-də keçiriləcək.

Bu, Ə. Ağayevin ÇL-da 5-ci oyunu olacaq. O, daha əvvəl 4 qarşılaşmada fit çalıb.

Maraqlısı budur ki, onun Avropanın ən mötəbər turnirindəki ilk oyunu da "Kopenhagen"in matçı olub.

Qeyd edək ki, Danimarka klubu 2 həftə sonra Azərbaycana gələcək. Onlar təmsilçimiz "Qarabağ"la qarşılaşacaq.