Karyerasında eniş yaşayan Dele Alli İtaliya A Seriyasında qalmaq uğrunda mübarizə aparan klubda baxışda olacaq.

Offsideplus.az xəbər verir ki, Seriya B-yə düşməməyə çalışan "Komo" məşqlərdə Dele Allinin performansını izləyəcək və məşqçilər korpusunu oyunçunun transferi barədə qərar verəcək. Bu haqda Fabrizio Romano məlumat yayıb.

Futbolçu "Tottenhem"də çıxış etdiyi zaman 100 milyon avro dəyərə malik olub. Lakin hazırda 3.5 milyon qiymətə malikdir.

Qeyd edək ki, 28 yaşlı ingiltərəlinin son klubu "Beşiktaş" olub.