İtaliya nəhəngi "Yuventus" Almaniyanın "Bayer Leverkuzen" klubunun 18 yaşlı bosniyalı cinah hücumçusu Kerim Alaybeqoviçin transferi üzrə tam razılıq əldə edib.

Offsideplus.az xəbər verir ki, danışıqların təfərrüatları və son vəziyyət bu cürdür:

• Transfer məbləği: Turin klubu "Leverkuzen"ə ilkin olaraq 33 milyon avro ödəyəcək. Müqavilədəki performans bonusları ilə birlikdə bu məbləğin 40 milyon avroya çatması nəzərdə tutulur.

• Rəqibləri geridə qoydu: "Çelsi", "Atalanta" və "Milan" kimi klubların maraq göstərdiyi gənc vinger üçün "Yuventus" ən çevik addımı ataraq danışıqları yekunlaşdırıb.

• Son mərhələ: Klublar arasında bütün rəsmi sənədlər üzrə razılıq əldə edilib. Hazırda yalnız futbolçunun yaşıl işıq yandırması, şəxsi müqavilə şərtlərinin tamamilə rəsmiləşdirilməsi və Turində keçiriləcək tibbi müayinə gözlənilir.