"Fiorentina" klubu müdafiə xəttini yeni oyunçu ilə gücləndirib.
Offsideplus.az xəbər verir ki, İtaliya təmsilçisi "Tottenhem"in 24 yaşlı rumıniyalı müdafiəçisi Radu Drəquşini transfer edib.
Klublar arasında əldə olunan razılığa əsasən, "Fiorentina" futbolçunu 1.5 milyon avro ödəyərək 2027-ci ilin iyun ayına qədər icarəyə götürüb.
Müqavilədə xüsusi bir bənd də yer alıb: əgər Rumıniya millisinin üzvü bu mövsüm A Seriyası oyunlarının ən azı %65-də meydanda olarsa, 17.5 milyon avroluq məcburi satınalma şərti işə düşəcək.
