Azərbaycanın qadın futbolçulardan ibarət milli komandası bu gün dünya çempionatının seçmə mərhələsində ilk oyununa çıxır.

Offsideplus.az xəbər verir ki, Siyasət Əsgərovun rəhbərlik etdiyi yığma C Liqasının 3-cü qrupu çərçivəsində Şimali Makedoniya seçməsini qəbul edəcək. "Dalğa Arena"da keçiriləcək qarşılaşma saat 15:00-da start götürəcək.

Matçın idarəçiliyi Polşadan olan hakimlər briqadasına tapşırılıb. Baş hakim Anna Adamskaya olacaq, ona yan xətt hakimləri Yulia Bukaroviç və Angelika Novak kömək edəcəklər. Dördüncü hakim vəzifəsini isə Mixalina Dyakov icra edəcək.

Qeyd edək ki, yığmamız qrupdakı növbəti oyununu martın 7-də səfərdə Macarıstana qarşı keçirəcək. Felksut şəhərindəki "Panço Arena"da baş tutacaq həmin görüş Bakı vaxtı ilə saat 20:00-da başlayacaq.