"Arsenal"ın baş məşqçisi Mikel Arteta İngiltərə Premyer Liqasının 10-cu turunda "Nyukasl"a səfər məğlubiyyətinə (0:1) şərh verib.

Offsideplus.az xəbər verir ki, sözügedən klubun mətbuat xidməti məlumat yayıb. Təcrübəli mütəxəssis bunları söyləyib:

"Biz matça çox yaxşı başladıq. Məncə, biz daha üstün idik. Diribaş görünürdük, sonra isə bir anda birbaşa hücuma keçdilər. Onlar əks-hücumu yaxşı bacarırlar. İnanılmaz bir atışla topu arxamıza çevirib hücum qururdular".

Qeyd edək ki, "Arsenal" turnir cədvəlinin 4-ci pilləsindədir.