Maurisio Poçettino "Tottenhem"dəki fəaliyyəti və həmin dövrdə heyətin gücləndirilməməsi barədə səmimi açıqlamalar verib.
Offsideplus.az xəbər verir ki, təcrübəli mütəxəssis London klubunda transfer siyasəti ilə bağlı üzləşdikləri çətinlikləri belə izah edib:
"18 ay ərzində tək bir transfer belə etmədən yolumuza davam etdik. Bu, Premyer Liqa səviyyəsində qeyri-adi bir hal idi. Əslində xərcləməyə pulumuz var idi, lakin bizi növbəti səviyyəyə daşıyacaq doğru investisiyanı edə bilmədik. Son ana qədər mübarizə apardıq, lakin o həlledici addımı ata bilmədik."
Poçettino həmçinin o dövrdə transfer siyahısında olan ulduz futbolçuların adlarını da açıqlayıb.
O, Sadio Mane və Georginio Veynaldumu "Tottenhem" heyətinə qatmaq istədiklərini, lakin müəyyən səbəblərdən bu keçidlərin baş tutmadığını vurğulayıb.
