Azərbaycan millisinin sabiq futbolçusu və Avstriyanın "ATSV Stadl- Paura" klubuna keçən Amit Quluzadənin Offsideplus.az saytına müsahibəsi...

- Uzun müddət klubsuz qaldıqdan sonra Avstriyaya yollandın. Bu haqda nə deyə bilərsən?

- Dediyiniz kimi, uzun müddət futbolsuz qaldım. Amma bu zaman ərzində bir sıra klublarla danışıqlar aparırdım.

- Danışıq apardığın klublar yerli idi, yoxsa xarici?

- Hamısı xarici idi.

- Bu müddət ərzində heç bir yerli klub sənə təklif göndərməyib?

- 2 yerli klubla danışığ aparırdım. Amma bəzi səbəblərə görə alınmadı.

- Səbəb maliyyə idi?

- İnşallah, vaxtı gələndə bu barədə danışacam.

- Bəs xaricdən olan təkliflər hansı ölkələrdən idi?

- Makedoniya, Yunanıstan və Slovakiya klubları mənimlə danışıqlar aparırdı. Təəssüf ki, qismət olmadı. Daha sonra Asiyada bir komandayla anlaşmışdım. Hətta ora getməmişdən müqaviləyə də qol çəkmişdim. 2 gün əvvəl isə Avstriya variantı çıxdı. Mən də razılaşdım.

- Hansı Asiya ölkəsiydi?

- Ad çəksəm, düzgün olmaz. Onlar məni FİFA-ya şikayət edə bilərdi.Amma mənim fikrimə hörmətlə yanaşdılar. Avropada oynamaq istəyirdim, buna görə də Asiyaya getməkdən imtina etdim.

Cavid Əliyev