Azərbaycan bədii gimnastı Zöhrə Ağamirova Tokio-2020 Yay Olimpiya Oyunlarında finala vəsiqə qazana bilməyib.
Offsideplus.az-ın məlumatına görə, 4 hərəkətin cəmində 87,800 xal toplayan 20 yaşlı idmançı ilk "10-luq"dan kənarda qalıb. O, hazırda 11-ci yerdə olsa da, digər bədii gimnastlar çıxışlarını davam etdirdiklərindən daha aşağı mövqelərə də enə bilər.
*** 11:06
Azərbaycanın bədii gimnastı Zöhrə Ağamirova Tokio-2020 Yay Olimpiya Oyunlarında növbəti çıxışını başa vurub.
Offsideplus.az-ın məlumatına görə, 20 yaşlı idmançı bu dəfə lentlə hərəkətlərdə bacarığını nümayiş etdirib.
Hakimlərdən 19.900 xal alan Ağamirova hələlik bu növdə birincidir. O, 3 hərəkətdən sonra ümumi sıralamada isə 5-ci pillədə qərarlaşıb.
*** 09:14
Azərbaycanın bədii gimnastı Zöhrə Ağamirova Tokio-2020 Yay Olimpiya Oyunlarında mübarizə aparır.
Offsideplus.az xəbər verir ki, 20 yaşlı idmançı topla hərəkətlərdə 23,400, halqa ilə çıxışında isə 23.000 xala layiq görülüb.
O, hazırda 46,400 xalla 26 idmançı arasında 15-ci pillədə qərarlaşıb.
Gimnast lentlə və gürzələrlə də bacarığını göstərməyə çalışacaq. Təsnifat mərhələsində ilk 10 yeri tutan idmançı finala yüksələcək.
*** 08:45
Azərbaycanın bədii gimnastı Zöhrə Ağamirova Tokio-2020 Yay Olimpiya Oyunlarında növbəti çıxışını bitirib.
Offsideplus.az xəbər verir ki, 20 yaşlı idmançı halqa ilə hərəkətlərdə 23,000 xala layiq görülüb.
Ağamirova daha əvvəl topla çıxışında 23,400 xal qazanıb. O, hazırda 46,400 xalla 5-ci pillədə qərarlaşıb.
Gimnast lentlə və gürzələrlə də bacarığını göstərməyə çalışacaq. Təsnifat mərhələsində ilk 10 yeri tutan idmançı finala yüksələcək.
*** 06:15
Azərbaycanın bədii gimnastiı Zöhrə Ağamirova Tokio-2020 Yay Olimpiya Oyunlarında mübarizəyə start verib.
Offsideplus.az-ın məlumatına görə, 20 yaşlı idmançı ilk olaraq topla öz çıxışını təqdim edib.
O, birinci cəhdində 23,400 xala layiq görülüb.
Ağamirova daha sonra halqa ilə, lentlə və gürzələrlə bacarığını göstərməyə çalışacaq. Təsnifat mərhələsində ilk 10 yeri tutan gimnast finala yüksələcək.
