Misli Premyer Liqasının 28-ci turunda “Zirə” öz meydanında “Şamaxı”nı məğlub edib.
Offsideplus.az xəbər verir ki, oyundan sonra keçirilən mətbuat konfransında ev sahibinin baş məşqçisi Rəşad Sadıqov matçla bağlı fikirlərini bölüşüb.
O, milli fasilədən sonra ilk oyunlarını keçirdiklərini və ilk dəqiqələrdə fəal olsalar da, sonradan çətinliklərlə üzləşdiklərini bildirib:
“İlk hissədə istədiyimiz hücumları qura bilmirdik və rəqibə qarşı üstünlük yaratmaq çətin idi. Lakin müdafiədə etibarlı oynadıq və “Şamaxı”ya qol epizodu vermədik".
Baş məşqçi fasilədə komandanın hücumda daha aktiv olmasını tapşırdıqlarını qeyd edib:
“İkinci hissəyə sürətli başladıq və ardıcıl qollar vurduq. Xüsusilə ikinci qoldan sonra oyunumuz daha rahat keçdi".
Sadıxov bu qələbənin vacibliyini vurğulayıb və növbəti matçlara köklənəcəklərini bildirib:
“Son turlarda “Şamaxı” güclü komandalarla yaxşı nəticələr qazanmışdı. Buna görə də 3 xal əldə etməyimiz önəmli idi. Qarşıdakı oyunlarda da maksimum nəticə qazanmağa çalışacağıq".
