Misli Premyer Liqasının 15-ci turunda "Araz-Naxçıvan" "Turan Tovuz"u məğlub etdi - 1:0.

Offsideplus.az xəbər verir ki, oyundan sonra meydan sahiblərinin çalışdırıcısı Elmar Baxşıyev mətbuat konfransında iştirak etdi. 

Mütəxəssis qələbə haqda bunları söylədi:

"Ağır oyun oldu. Bilirdik kimə qarşı oynayacağıq. "Turan Tovuz" bu mövsüm iddialıdır. Meydanda nə etmək istədiklərini bilirlər. Şükürlər olsun ki, bu gün oyunumuz alındı. Qələbə qazandıq. İlk turdan komanda üzərində gərginlik yoxdur. Stressdən uzaq qalmalıyıq. Bunun üçün çalışırıq. Keyfiyyətli, təcrübəli futbolçularımız var. İddiamız artdıqca onları da motivasiyası çoxalır".