Bu gün Misli Premyer Liqasında VII tura son iki oyunla yekun vurulacaq.
Offsideplus.az xəbər verir ki, "Səbail" "Sabah"la üz-üzə gələcək. Digər görüşdə isə "Sumqayıt" "Zirə"ni qəbul edəcək.
Autsayderlər sırasında qərarlaşan "Səbail" vacib 3 xal üçün meydana çıxacaq. 11 xalla 4-cü sırada yer alan Masazır təmsilçisi isə daha yuxarı pillələr üçün qələbə qazanmağa çalışacaq.
Qonşu mövqelərdə olan "Sumqayıt" ilə "Zirə" qarşılaşmasında "kimyaçılar" xallarını 9-a çatdırmaqla 6-cı pillədə qərarlaşan qəsəbə təmsilçisinə çatmaq üçün mübarizə aparacaq. Avrokuboklarda uğurlu çıxışı ilə diqqət çəkən "Zirə" isə liderlərdən geri qalmamaq üçün qələbə qazanmaq niyyətindədir.
Misli Premyer Liqası
VII tur - 22 sentyabr
18:00. “Səbail” – “Sabah”
Baş hakim: Kamal Umudlu
ASCO Arena
20:30. “Sumqayıt” – “Zirə”
Baş hakim İnqilab Məmmədov
Mehdi Hüseynzadə adına stadion