Bu gün şahmat üzrə onlayn Millətlər Kubokunda 7-ci turun görüşlərinə start verilib.

Offsideplus.az xəbər verir ki, təmsilçimiz Teymur Rəcəbovun yer aldığı dünya yığması günün ilk qarşılaşmasında Hindistan komandası ilə qarşılaşıb. Duel dünya yığmasının məğlubiyyəti ilə başa çatıb.

Azərbaycanlı qrossmeyster də öz görüşünü başa vurub. O, Hindistan komandasının lideri Vişvanatan Anandla üz-üzə gəlib. Qara fiqurlarla oynayan 33 yaşlı şahmatçı rəqibinə uduzub - 0:1.

Şahmatçımız turnirdə daha əvvəl keçirdiyi 6 görüşdə 4 heç-heçə edib, 2 dəfə isə məğlub olub.