AFFA İcraiyyə Komitəsinin bu gün keçirilən iclasında aşağı yaş qruplarından ibarət yığmalarımızla bağlı mühüm qərarlar verilib.
Offsideplus.az xəbər verir ki, 4 yaş qrupu - U-21, U-19, U-18 və U-17-də təyinatlar gerçəkləşib.
Əslində, bu kollektivlərn bəzilərində yeni-köhnə məşqçilərin çalışacağını söyləmək mümkündür.
Məsələn, U-19-un baş məşqçisi dəyişməyib. Çox güman ki, Elxan Abdullayev köməkçilərini də dəyişməyə lüzum görməyəcək.
Bundan öncə U-17-ni çalışdıran İlham Yədullayev elə həmin futbolçularla yeni yaş qrupuna keçib. Çünki İ.Yədullayevin sərəncamında olan 2008-ci il təvəllüdlü oyunçular yeni mövsümdə U-18-in yarışlarına qatılmalıdırlar. İ.Yədullayevə qədər U-18 yığmamızı Fizuli Məmmədov çalışdırırdı. O, köməkçilərindən biri Rafael Əmirbəyovla birgə bu ilin yanvarından "Mingəçeviir" klubunda fəaliyyət göstərir.
Həmçinin, U-17-nin tapşırıldığı Aqil Nəbiyev də bizə tanış simadır. Milli komandamızın sabiq futbolçusu indiyədək U-16-ya rəhbərlik edirdi. İlham Yədullayev U-17-dən U-18-ə, Aqil Nəbiyev isə eyni qayda ilə U-16-dan U-17-yə keçib. A.Nəbiyevin boşaltdığı U-16-nın baş məşqçi postuna hələlik təyinat olmayıb.
Ən əsas dəyişiklik isə təbii ki, U-21-lə bağlıdır. Hazırda "Şamaxı"nı çalışdıran Ayxan Abbasov məşqçilik karyerasında ilk dəfə yığmada işləyəcək. O, yeni vəzifədə Samir Əliyevi əvəzləyib. "Neftçi"nin və milli komandamızın keçmiş hücumçusu olmuş S.Əliyev 2019-2022-ci iilərdə U-19-a cavabdehlik daşıyıb. Üç il əvvəl U-21-ə təyinat alan gənc məşqçi ilə ötən ilin dekabrınadək olan müqavilənin müddəti uzadılmayıb.
Yığmaların sabiq məşqçiləri
U-21: Samir Əliyev - baş məşqçi
Köməkçilər: Emin İmaməliyev, Araz Qulamov
U-19: Elxan Abduayev - baş məşqçi
Köməkçilər: Hüseynqulu Quliyev, Hüseyn Məhhəmmədov
U-18: Füzuli Məmmədov - baş məşqçi
Köməkçilər: Rafael Əmirbəyov, İlkin Hüseynov
U-17: İlham Yədullayev - baş məşqçi
Köməkçilər: Aleksandr Qross, Namiq Adilov
U-16: Aqil Nəbiyev - baş məşqçi
Köməkçi: Elgiz Kərəmli
Yığmaların yeni baş məşqçiləri:
U-21: Ayxan Abbasov - baş məşqçi
U-19: Elxan Abdullayev - baş məşqçi
U-18: İlham Yədullayev - baş məşqçi
U-17: Aqil Nəbiyev - baş məşqçi
