Futbol üzrə II Liqada XIX tura start verilib.

Offsideplus.az xəbər verir ki, günün ən gözlənilməz nəticəsi Şəkidə qeydə alınıb. Şəhərin eyniadlı komandası çempionatın lideri "Şahdağ Qusar"a ciddi müqavimət göstərib. Milli komandamızın sabiq futbolçusu Rahid Əmirquliyevin kapitanı olduğu Qusar təmsilçisi yalnız son saniyələrdə "Şəki"nin qapısına yol tapa bilib. Əks halda, "Şahdağ Qusar" cari mövsümdə ilk dəfə meydançanı qolsuz tərk edəcəkdi. 

Əsas rəqibini qarabaqara izləyən "Şəfa" növbəti böyükhesablı qələbə sayəsində xallarını 52-yə çatdırıb. İkinci pillədə qərarlaşan paytaxt klubunu zirvədən 3 xal ayırır.

Turun digər görüşləri sabah keçiriləcək.

II Liqa, XIX tur

"Lerik" - "Şəfa" 0:5

"Şəki" - "Şahdağ Qusar" 0:1

"Şəmkir" - "Qusar" 2:1

"Hypers Guba" - "Ağdaş" 3:3