Vaxtilə dünyanın ən yaxşı tennisçisi olmuş, hazırda reytnq cədvəlində 5-ci pillədə qərarlaşan Novak Cokoviç karyerasında daha bir gözlənilməz məğlubiyyət alıb.

Offsideplus.az xəbər verir ki, 37 yaşlı idmançı ABŞ-da keçirilən "Miami Open" turnirinin finalında Çexiya təmsilçisi Yakub Menşikə uduzub.

19 yaşlı Menşik hər iki setsə tay breykdə qalib gəlib - 7:6 (7:4); 7:6 (7:4). Yarışın ümumi mükafat fondu 9 193 540 ABŞ dolları olub.

Turnirdən sonra açıqlama verən Cokoviç məğlubiyyətdən sarsıldığını gizlətməyib: "Bunu etiraf etmək ağırdır, ancaq deməliyəm ki, Menşik bu gün güclü idi".

Yakub Menşik isə rəqibin ünvanına xoş sözləri söyləyib: "Mən Novak Cokoviçə görə indi kortdayam. Uşaqlıqdan onun çıxışını izləmişəm, ona görə tennis oynamağa başlamışam. Novak dünya tennis tarixinin ən dahi nümayəndəsidir".