İngiltərənin "Nyukasl" klubunun yeni transfer hədəfi məlum olub.
Offsideplus.az xəbər verir ki, sözügedən klubu satın alması gözlənilən Səudiyyə Ərəbistanı vəliəhdi, şahzadə Məhəmməd Bin Salman indidən komandanın transfer işləmlərinə başlamaq niyyətindədir.
İngiltərə mətbuatının yazdığına əsasən, "sağsağanlar" Madrid "Real"ının gənc hücumçusu Luka Yoviçi heyətinə qatmaq niyyətindədir. "Kral klubu"nda uğurlu olmağı bacarmayan serbiyalı forvardın növbəti mövsümə qədər komandadan ayrılacağı istisna deyil. "Real"ın baş məşqçisi Zinəddin Zidanın onu öz sərəncamında görmək istəmədiyi bildirilir.
Bin Salmanın transfer siyahısında olanlardan biri də məhz 22 yaşlı hücumçudur. Bu keçid üçün artıq qarşı tərəflə danışıqların başladığı yazılır.
Qeyd edək ki, şeyxin "Nyukasl"ı 300 milyon funta alacağı gözlənilir.
