İstanbulun "Fənərbağça" klubunun sabiq üzvü Pappis Demba Sisse futbolçu karyerasını bərpa etmək qərarına gəlib. 

Offsideplus.az xəbər verir ki, 3 aydan sonra 40 yaşını tamamlayacaq seneqallı hücumçu Birləşmiş Ərəb Əmirliklərində özünə klub tapıb. O, 3-cü divizionda mübarizə aparan "Əl-Kabila" klubunda forma geyinməyə başlayıb.

Qeyd edək ki, Sisse 2023-cü ildə Fransa "Amyen"ində oynayarkən, karyerasını başa vurduğunu açıqlamışdı. O, 2020-21-i illərdə şərəfini qoruduğu "Fənərbağça"da 25 matç keçirib, 5 qol vurub.