"Budyo-Qlimt"in rusiyalı qapıçısı Nikita Haykin Norveç vətəndaşlığı aldıqdan sonra sosial şəbəkə hesabında paylaşım edib.

Offsideplus.az xəbər verir ki, o, paylaşımında bunları qeyd edib:

"2019-cu ildə məni nələrin gözlədiyini bilmədən Norveçə gəldim. O vaxtdan bəri burada komanda və ətrafımızdakı insanlarla birlikdə çox şey yaşadım – çempionluq mübarizəsindən tutmuş avrokuboklardakı sehrli gecələrə və Çempionlar Liqasının 1/8 finalına qədər. Bu, inanılmaz bir səyahət idi və mənim üçün çox böyük məna kəsb edir.

Budyo və Norveç mənim evimə çevrildi. Liman, işıqlı yay gecələri, qütb parıltısı, insanlar və ən əsası burada hökm sürən hüzur... Bunlar mənim çox sevdiyim şeylərdir.

Artıq Norveç vətəndaşı olduğum üçün inanılmaz dərəcədə minnətdaram. Məni dəstəkləyən və bu yolun bir parçası olan hər kəsə təşəkkür edirəm.

Bu, mənim Norveçimdir" - deyə Haykin qeyd edib.