2025/2026 mövsümünün aprel ayı etibarilə Avropanın nəhəng liqalarında çempionluq yarışı həlledici mərhələyə qədəm qoyub.

Offsideplus.az xəbər verir ki, statistik göstəricilər və superkompüter proqnozları bəzi liqalarda qalibin artıq böyük ölçüdə bəlli olduğunu göstərir.

Çempionluq ehtimalları bu cürdür:

• İngiltərə Premyer Liqası:

  • "Arsenal" — 96%

  • "Mançester Siti" — 4%

• İtaliya Seriya A:

  • "İnter" — 98%

  • "Milan" — 1%

  • "Napoli" — 1%

• İspaniya La Liqası:

  • "Barselona" — 93%

  • "Real Madrid" — 7%

• Almaniya Bundesliqası:

  • "Bayern Münhen" — 99.9%

  • "Borussiya Dortmund" — 0.1%

• Fransa Liqa 1:

  • "PSJ" — 99.9%

  • "Lans" — 0.1%

Bəs liqalarda son vəziyyət nə yerdədir?

İngiltərə: "Arsenal" 22 illik fasilədən sonra çempionluğa heç vaxt bu qədər yaxın olmayıb. Hazırda 70 xalla lider olan londonlular aprelin 19-da "Mançester Siti" (61 xal) ilə səfərdə keçiriləcək taleyüklü oyuna böyük üstünlüklə yollanırlar.

İtaliya: "İnter" Seriya A-da hegemonluğunu davam etdirir. "Napoli" və "Milan" arasındakı gərgin qarşılaşmadan sonra "Neradzurri"nin çempionluq şansı 98%-ə yüksəlib.

İspaniya: "Barselona" bu mövsüm Hansi Flikin rəhbərliyi altında rəqiblərinə aman vermir. 30 turdan sonra 76 xal toplayan katalonlar "Real Madrid"i (69 xal) 7 xal qabaqlayır.

Almaniya: Bundesliqada rəqabət demək olar ki, bitib. 28 oyuna 73 xal toplayan "Bayern Münhen" ən yaxın izləyicisi "Borussiya Dortmund"u böyük fərqlə geridə qoyaraq 99.9%-lik çempionluq zəmanəti alıb.

Fransa: Liqada lider PSJ aprelin 11-də ən yaxın rəqibi olan "Lans"ın qonağı olacaq. Hazırkı xal fərqi parislilərə çox rahat bir mövqe bəxş edir.