Hollandiyanın PSV klubu heyətini gücləndirib.

Offsideplus.az xəbər verir ki, ölkə çempionatında qızıl medallar uğrunda yarışan, həmçinin UEFA Çempionlar Liqasının 1/8 finalında mübarizə aparan Eyndhoven təmsilçisi ispaniyalı Lukas Pereslə anlaşıb.

36 yaşlı hücumçu "azad agent" statusu ilə yeni komandasına qoşulub. Belə ki, o, fevralın 22-də İspaniyanın "Deportivo" klubunu tərk edib. Lukas Pereslə 2024/25 mövsümünün sonunadək müqavilə imzalanıb.

Lukas Peres "Deportivo"dan savayı, "Rayo Valyekano", İngiltərənin "Arsenal", "Vest Hem", Ukraynanın "Dinamo" (Kiyev), "Karpatı" komandalarında forma geyinib.

Qeyd edək ki, sözügedən futbolçu bu mövsüm İspaniya Segundasında 19 oyun keçirib, 4 qol vurub və 4 assist edib.