FIFA 2026-cı ildə keçiriləcək FIFA Dünya Çempionatı 2026 zamanı yayım qaydalarında yeni dəyişiklik tətbiq etməyi planlaşdırır.
Offsideplus.az xəbər verir ki, turnir matçlarının hər hissəsində hidratasiya fasilələri zamanı yayımçılara reklama keçmək icazəsi veriləcək.
Yeni qaydaya əsasən:
Hər 45 dəqiqəlik hissənin ortasında təxminən 3 dəqiqəlik fasilə olacaq.
Bu fasilə rəsmi olaraq oyunçuların sağlamlığının qorunması (player welfare) məqsədilə təqdim olunur.
Lakin televiziya yayımçıları həmin fasilə zamanı reklam göstərmək üçün efiri kəsə biləcəklər.
Beləliklə, hər oyunda ümumilikdə iki hidratasiya fasiləsi olacaq və bu da matç yayımında reklam imkanlarını artıracaq.
