Almaniyanın köklü klublarından olan "Hamburq" (HSV) idman direktoru vəzifəsinə Katlin Krügeri təyin etdiyini rəsmən açıqlayıb.
Offsideplus.az xəbər verir ki, bununla da 40 yaşlı Krüger Almaniya futbol tarixində bu vəzifəyə gətirilən ilk qadın olaraq tarixə düşüb.
Katlin Krüger futbol dünyasında yad sima deyil. O, son 17 ilini Almaniya nəhəngi "Bavariya"da müxtəlif rəhbər vəzifələrdə keçirib.
Əvvəlcə "Bavariya"nın qadın komandasında futbolçu kimi çıxış edən Krüger zədə səbəbindən erkən yaşda karyerasını bitirib.
Daha sonra klubun idarə heyətinə keçərək Pep Qvardiola, Yupp Haynkes və Hansi Flik kimi dünya şöhrətli məşqçilərlə çiyin-çiyinə çalışıb.
"Hamburq"da o, Stefan Kuntsdan boşalan vəzifəni icra edəcək. Krügerin üzərinə böyük məsuliyyət düşür.
- Komandanın transfer strategiyasını və heyət quruculuğunu idarə edəcək.
- Klubun gələcək inkişaf planlarını və məşqçi təyinatlarını koordinasiya edəcək.
- Uzun illərdən sonra yenidən Bundesliqaya qayıdan (2025-ci ildə) "Hamburq"u turnir cədvəlinin üst sıralarına daşımaq.
Katlin Krügerin ilk sözləri: "Mənə göstərilən etimada görə çox xoşbəxtəm. Alman futbolunun ən böyük adlarından biri olan 'Hamburq'un gələcəyini formalaşdırmaq mənim üçün böyük bir imtiyazdır."
