"Bayern" klubu hücum xəttini gücləndirmək məqsədilə "Yuventus"un forvardı Duşan Vlahoviçi yaxından izləməyə başlayıb.

Offsideplus.az xəbər verir ki, Münxen təmsilçisi serbiyalı hücumçunu ulduz futbolçu Harri Keynin əsas əvəzləyicisi kimi nəzərdən keçirir.

Klubun idman direktoru Maks Eberl artıq təsdiqləyib ki, mövsümün sonunda Nikolas Cekson komandadan ayrılacaq. "Çelsi"dən icarəyə götürülən hücumçunun satınalma opsiyonunun aktivləşdirilməyəcəyi gözlənilir. Bu gedişat hücum xəttində yaranacaq boşluğu doldurmaq üçün Vlahoviçi prioritet hədəfə çevirib.

Vlahoviçin "Yuventus"la olan müqaviləsi bu mövsümün sonunda başa çatır. Müqavilənin müddətinin bitməsi və yeni razılaşmanın hələ əldə olunmaması "Bavariya"nın transfer yarışında əlini gücləndirən əsas amildir. Almaniya nəhəngi bu vəziyyətdən istifadə edərək 26 yaşlı forvardı heyətinə qatmağı planlaşdırır.