Bu gecə NBA-də bir neçə maraqlı oyun baş tutdu.

Offsideplus.az xəbər verir ki, “Brooklyn Nets” dramatik şəkildə “Philadelphia 76ers” üzərində 105-103 hesabı ilə qələbə qazandı. Oyunun qəhrəmanı son saniyə epizodunda Nic Claxton oldu. O, matçı 16 xal, 9 ribaund və 5 blokla tamamladı. Komandanın ən çox xal toplayanı isə 23 xalla Cam Johnson idi. “76ers”in ulduzu Tyrese Maxey 31 xal toplasa da, bu, komandaya qələbə gətirmədi.

Gecənin digər maraqlı oyununda “Los Angeles Lakers” “Denver Nuggets”i 123-100 hesabı ilə məğlub edərək mövsümdəki mövqeyini gücləndirdi.

“Utah Jazz” öz meydanında “Houston Rockets” üzərində 124-115 hesablı qələbə qazandı. “Portland Trail Blazers” isə gecənin ən böyük hesablı nəticəsinə imza atdı – “Charlotte Hornets”i 141-88 hesabı ilə darmadağın etdi.