"Panatinaikos"un amerikalı forvardı Naycel Heys-Devisin zədədən bərpa prosesi gözləniləndən daha sürətli gedir və onun yaxın günlərdə komanda ilə məşqlərə qoşulacağı ehtimal olunur.

Offsideplus.az xəbər verir ki, artıq Heys-Devisin ayağındakı xüsusi qoruyucu çıxarılıb və o, komandanın beş əsas zədəli oyunçusu arasında məşqlərə ilk qayıdan basketbolçu ola bilər. Digər tərəfdən, Xuan Ernangomes Yunanıstan Superkubokunun yarımfinalında aldığı zədə səbəbindən təxminən 10 gün meydana çıxmayacaq. Kendrik Nann sağ dizinin medial meniskinin cırılması ilə bağlı əməliyyatdan sonra bərpa prosesini davam etdirir. Kostas Slukas isə ötən mövsümdən davam edən ayaq zədəsindən sağalır. Mustapha Fall isə hələ də dizaltı vətər zədəsini tam bərpa etməyib.