Avropa Liqasının əsas mərhələsinin V mərhələsində "Lion" "Qarabağ"ı 4:1 hesabı ilə məğlub etdi.

Offsideplus.az xəbər verir ki, oyundan sonra qonaqların çalışdırıcısı Pyer Saq mətbuat konfransında iştirak etdi. 

Mütəxəssis görüş haqda bunları söylədi:

"Qarabağ" ilk hissədə yaxşı oynadı. Onlar çox təhlükəli epizodlar yaratdılar. Bu məqamı xüsusi qeyd etmək lazımdır. İkinci hissədə müdafiəni daha yaxşı təşkil etmişdik. İlk qolun vurulmasında çətinlik çəkdik. Lakin sonradan oyunumuz alındı. Növbəti qollar da ardıcıl şəkildə baş verdi. Taktikanı düzgün qura bildik. Bu da komandamızın qələbə qazanmasına səbəb oldu. Düşünürəm ki, hesab oyuna uyğun olmadı. Oyunda əla atmosfer var idi. Azarkeşlər mütəmadi olaraq komandalarına dəstək olurdu. Bu da oyunun gedişinə təsir edirdi".