Avropa Liqasının 1/16 final mərhələsində “Lokomotiv”lə oyun üçün Rusiyanın paytaxtı Moskvada olan “Nitsa”nın hücumçusu Mario Balotelli növbəti dəfə etdiyi hərəkətlə diqqət mərkəzinə düşüb.

Offsideplus.az Qol.az-a istinadən xəbər verir ki, “Qırmızı meydan"da komanda yoldaşları ilə gəzintidə olarkən futbolçulardan biri ərazidəki binalardan birini göstərərək, “Putin buradadır” deyib.

Bundan sonra Balotelli bir neçə dəfə Rusiya prezidentinin adını çəkərək, “Putin, sən hardasan” deyə zarafat etməyə başlayıb. Qalmaqallı futbolçu eyni cümləni ingilis dilində bir neçə dəfə təkrarlayıb ki, bu da komanda yoldaşlarının gülüşünə səbəb olub.

Qeyd edək ki, “Lokomotiv” – “Nitsa” oyunu sabah keçiriləcək. Fransadakı ilk qarşılaşmada Moskva təmsilçisi 3:2 hesablı qələbə qazanıb.