Avropa Liqasının 1-ci təsnifat mərhələsinin ilk oyununda “Vestri” “Qarabağ”a məğlub olub - 0:3. 

Offsideplus.az xəbər verir ki, oyunsonrası mətbuat konfransında qonaqların çalışdırıcısı Daniel Osafo-Bado media önünə çıxıb. O əvvəlcə matç barədə fikirlərini bölüşüb: "Mənim üçün çətin oyun oldu. “Qarabağ” keyfiyyət göstərdi. Oyunçularımdan məmnunam. Səhvlərimizdən qol buraxdıq". 

Mütəxəssis böyükhesablı məğlubiyyəti belə şərh edib: “Səhv başa düşməyin. Təcrübədən, oyunçularımdan razı qaldım, nəticədən yox”.

Baş məşqçi çempionatlarındakı qeyri-sabit nəticələrin “Qarabağ”la matça təsirini belə izah edib:

 “Xeyr. Bizim üçün prioritet çempionatdır. Çempionatdakı qeyri-sabitliyin bu oyuna əlaqəsi yoxdur”.