Türkiyə millisi AÇ-2024-ün 1/4 finalında 6 iyul Bakı vaxtı ilə saat 23:00-da Niderlandla qarşılaşacaq.

Offsideplus.az xəbər verir ki, Vinçenzo Montellanın komandasında 3 itki var. Vərəqə limitini dolduran İsmail Yüksek və Orkun Kökçü bu oyunu buraxacaq. Merih Demiral isə UEFA tərəfindən 2 oyunluq cəzalandırıldığı üçün qarşılaşmada iştirak etməyəcək.

İtalyan mütəxəssis Demiralın yoxluğunda müdafiə xəttində Mert Müldür, Samet Akaydın, Abdülkerim Bardakçı və Kaan Ayhandan istifadə edəcək.

 Türkiyə mətbuatına görə, yığmanın təxmini "11-liy"i aşağıdakı kimi olacaq:

Mert Günok, Mert Müldür, Samet Akaydın, Abdülkerim Bardakçı, Ferdi Kadıoğlu, Kaan Ayhan, Salih Özcan, Hakan Çalhanoğlu, Kenan Yıldız, Barış Alper Yılmaz, Arda Gülər.