​"Fiorentina"nın yarımmüdafiəçisi Edoardo Bove meydanda keçirdiyi ürəktutma və ondan sonrakı çətin bərpa prosesi barədə səmimi açıqlamalar verib.

Offsideplus.az xəbər verir ki, gənc futbolçu yaşadığı dəhşətli anları və futbola qayıdış yolunu xəbər formasında belə ifadə edib. 

​Bove huşunu itirdiyi anı xatırlamadığını və ayıldıqda tamamilə fərqli bir ssenari düşündüyünü bildirib:

​"Xatırladığım son şey yerə yıxılmağımdır. Xəstəxanada ayılanda nə baş verdiyindən xəbərsiz idim. Elə bildim ki, avtomobil qəzasına düşmüşəm."

​Hadisədən əvvəl özünü fiziki olaraq zirvədə hiss etdiyini deyən futbolçu, aldığı xəbərlə sarsıldığını gizlətməyib:

​"Hadisədən əvvəl özümü superqəhrəman kimi hiss edirdim. Sonra isə mənə bir daha futbol oynamayacağımı dedilər. Bəzən 'indi mən nə edəcəyəm?' deyə düşünürdüm. Hər şeyin çox pis getdiyi, olduqca ağır günlərim oldu."

​Müalicə prosesinin onun bədənində izlər qoyduğunu qeyd edən Bove, bu vəziyyəti metanətlə qarşılayıb:

​"İlk ay böyrüüstə yatmaqda çətinlik çəkirdim. Bu, insanın fiziki quruluşunu dəyişir. Güzgüdə özünü dəyişmiş görmək ağrılı ola bilər, amma mənim üçün belə olmadı. Heç vaxt məyusluğa qapılmadım."

​Bu ağır təcrübə yolun bir hissəsinə çevrildi. Bu bir il ərzində əvvəlki bütün həyatımda öyrəndiyimdən daha çox şey öyrəndim."

​22 yaşlı futbolçu bu hadisənin məhz indi baş verməsini bir növ "şans" hesab edir:

"Çox şanslıyam ki, bu hadisə ideal yaşda baş verdi. Real mənada nə baş verdiyini anlayacaq qədər yetkin, bununla mübarizə aparacaq qədər isə gənc və enerjili idim."

​Hazırda yenidən yaşıl meydanlara dönən italyan oyunçu, yaşadığı bu hadisənin onu həm bir insan, həm də bir peşəkar kimi daha da gücləndirdiyini vurğulayıb.