Baş məşqçi axtarışlarını davam etdirən "Beşiktaş" daha bir mütəxəssisə təklif göndərib.

Offsideplus.az xəbər verir ki, "ağ-qaralar" Niko Kovacı komandanın "sükan arxası"na gətirmək istəyiblər.

Lakin "Sky Sports"un yaydığı informasiyaya görə, mütəxəssis "qartallar"ı çalışdırmaqdan imtina edib.

İstanbul klubu diqqətini digər namizədlərə yönəldib.

Qeyd edək ki, Kovac məşqçilik karyerasında Xorvatiya millisinə, "Franfurt", "Bayern", "Monako" kimi komandalara rəhbərlik edib. Onun son iş yeri "Volfsburq" olub.