"Konyaspor" Azərbaycan millisinin üzvü Mahir Emrelidən narazıdır. 

Offsideplus.az Türkiyə mətbuatına istinadən xəbər verir ki, "Konyspor"un "Dinamo"dan (Zaqreb) icarəyə götürdüyü 25 yaşlı hücumçu "yaşıl-bəyazlar"ın heyətində oynadığı 228 dəqiqədə qol və assistə imza ata bilməyib. 

Ümidləri doğrultmayan Emreli 3 oyunda start heyətdən meydana çıxıb. Son turda "Antalyaspor"a qarşı oyunda (1:1) ehtiyatdan oyuna daxil olan Mahir 24 dəqiqə ərzində bir qol epizodu yaxalasa da, çərçivəyə göndərə bilməyib. 

Qeyd edək ki, Emreli cari mövsümün sonunadək icarə əsasında "Konyaspor"da çıxış edəcək.