Türkiyənin "Ankaragücü" klubunun futbolçusunda koronavirus aşkarlanıb.

Offsideplus.az klubun rəsmi saytına istinadən xəbər verir ki, futbolçular və məşqçilər heyəti koronavirusa görə testdən keçiblər. Ankara təmsilçisi virusa yoluxan oyunçunun adını açıqlamayıb və müalicə üçün xəstəxanaya yerləşdirildiyini yazıb.

Qeyd edək ki, koronavirus pandemiyasına görə yarımçıq dayandırılan Türkiyə Super Liqasının iyunun 10-da bərpası nəzərdə tutulur.