Rusiya Premyer Liqasında 21-ci turun görüşləri oynanılır.
Offsideplus.az xəbər verir ki, “Qarabağ”ın sabiq futbolçusu Kadi Borgesin çıxış etdiyi “Krasnodar” da növbəti matçını keçirib.
Sözügedən komanda səfərdə "Ximki" ilə üz-üzə gəlib və matçdan böyükhesablı qələbə ilə ayrılıblar - 6:0.
Kadi də bu matçın iştirakçısı olub. İkinci yarının startında əvəzetmədən meydana çıxan braziliyalı futbolçu komandasının parlaq qələbəsində pay sahiblərindən olub.
Krasnodarlıların 4-cü qolunu Borges vurub. O, 63 dəqiqədə fərqlənib.
Qeyd edək ki, braziliyalı yarımmüdafiəçi yeni komandasında meydana çıxdığı 4 oyunda 3 qola imza atıb. "Krasnodar" 21 oyundan sonra 32 xalla 8-ci pillədə yer alıb.
Kadinin vurduğu qolun videosunu təqdim edirik:
