Rusiya Premyer Liqasında 19-cu turun oyunları keçirilir.

Offsideplus.az xəbər verir ki, azərbaycanlı futbolçu Ayaz Quliyevin formasını geyindiyi “Arsenal” (Tula) da növbəti görüşünə çıxıb.

Komanda səfərdə “Soçi” ilə qarşılaşıb və bu oyundan məğlubiyyətlə ayrılıb - 0:2.

Ayaz Quliyev də bu görüşün iştirakçısı olub. O, 68-ci dəqiqədə meydana buraxılıb.

Qeyd edək ki, “Arsenal” geridə qalan 19 turda 19 xal toplayıb və 16 kollektiv arasında 13-cü pillədə qərarlaşıb.