"Çelsi" azarkeşləri komandanın əfsanəsi və bu yaxınlarda istefaya göndərilən baş məşqçisi Frenk Lemparda həsr etdikləri pankartı stadiondan götürüblər.

Offsideplus.az xəbər verir ki, onlar bunu ötən tur "zadəganlar"ın "Börnli"ni 2:0 hesabı ilə məğlub etdikləri oyundan sonra ediblər.

"The Sun" nəşrinin yazdığına görə, "Çelsi"lilər klubun yeni baş məşqçisi Tomas Tuxelə jest olaraq bunu həyata keçiriblər.

"Biz Frenkə etibar edirik: Bu gün, sabah və sonsuzadək" sözləri həkk edilmiş pankart artıq "Stemford Bric" arenasını bəzəməyəcək.

Qeyd edək ki, London təmsilçisi rəhbərliyi gənc mütəxəssisi göstərdiyi zəif nəticələrə görə və davamlı uğursuzluq fonunda istefaya göndərib.