Başa vurduğumuz həftə "Çelsi" futbolçuları üçün heç də asan olmayıb. İngiltərə Kubokunda qarşılaşdıqları "Luton Taun" üzərində 3:1 hesablı qələbənin üzərindən 24 saat keçməmiş baş məşqçi Frenk Lempard istefaya göndərildi. Onun yerinə gələn Tomas Tuxellə ilk oyuna çıxan "zadəganlar" "Vulverhempton"la 0:0 hesablı heç-heçəyə razılaşdı. 

Offsideplus.az xəbər verir ki, yeni baş məşqçi yeni taktikalarla gəlib. Komandanın məşq toplanışları alman mütəxəssisin qeyri-adi məşq metodları ilə gündəmə düşüb. Belə ki, Tuxel futbolçuları məşq etməsi üçün balaca toplardan istifadə eləməyə məcbur edib. 47 yaşlı mütəxəssis mini-topların futbolçuların fokuslanmağına kömək etdiyini bildirib. Futbolçularsa bundan təəccüblənib.