"Vest Bromviç"in çempionatda uğursuz təsir bağışlaması Slaven Biliçin başında çatladı.

Rəhbərlik 13 oyundan sonra 20 komanda arasında 19-cu pillədə qərarlaşan komandanın baş məşqçisini yola salmağı məqsədəuyğun saydı.

Offsideplus.az klub saytına istinadla xəbər verir ki, artıq yeni baş məşqçinin kimliyi məlumdur. Bu, Sem Ellerdaysdır. Vaxtilə İngiltərə millisi ilə yanaşı "Everton", "Kristal Pelas", "Sanderlend", "Vest Hem" kimi komandaları çalışdırmış 66 yaşlı mütəxəssislə 2022-nin yayına qədər müqavilə imzalanıb.