“Mançester Yunayted”in keçmiş kapitanı və məşhur futbol eksperti Qari Nevill mərkəz müdafiəçisi Lisandro Martinesin klubun transfer siyasəti və rəhbərliyi haqqında verdiyi qalmaqallı müsahibəyə sərt reaksiya verib.
Offsideplus.az xəbər verir ki, Nevill bildirib ki, argentinalı futbolçunun transferlərin yetərsizliyi barədə dedikləri dolayısı ilə komanda yoldaşlarının keyfiyyətini şübhə altına almaq deməkdir.
Qari Nevillin bəyanatından önə çıxan məqamlar:
“Oyunçu baxımından mənim bu məsələ ilə ciddi problemim var. Bu, birbaşa birlikdə oynadığın futbolçulara qarşı hücumdur.”
Böyük Qəzəb: Nevill komandanın təcrübəli liderlərinin bu sözlərdən narahat olmalı olduğunu vurğulayıb:
“Əgər mən Bruno Fernandes, Harri Maquayr və ya digər təcrübəli oyunçulardan biri olsaydım, ona qarşı inanılmaz dərəcədə qəzəbli olardım. Çünki o, əslində ‘Bəzilərimiz burada olmamalıyıq və daha çox yeni oyunçu gətirilməlidir’ deyir.”
Roy Kin də Nevillin fikirləri ilə razılaşaraq qeyd edib ki, komanda çətin dövrdən keçərkən futbolçular kənara tənqid yağdırmazdan əvvəl "özlərinə güzgüdə baxmalıdırlar".
