"Mançester Siti" klubunun 100-dən artıq maliyyə qaydasını pozmaqda ittiham olunmasından cəmi bir neçə saat sonra klubun sahibi Şeyx Mənsurun yaxın adamı və klubun sədri Xəldun Əl-Mubarak Böyük Britaniyanın həmin dövrdəki maliyyə naziri (Xəzinədarlıq Kansleri) Ceremi Hant ilə təcili görüş keçirib.
Offsideplus.az xəbər verir ki, Xəzinədarlıq rəsmiləri görüş zamanı futbol mövzusunun qaldırılmamasını xüsusi olaraq xahiş etsələr də, Əl-Mubarak birbaşa ittihamlara toxunub.
Sədr klubun rəsmən ittiham olunmasından dərhal sonra Premyer Liqanın "Mançester Siti"yə qarşı sərgilədiyi sərt mövqedən narazılığını açıq şəkildə dilə gətirib.
Bu yüksək səviyyəli görüş hökumət dairələrində və mətbuatda klubun dövlət səviyyəsində təsir imkanlarından istifadə etməyə çalışması kimi qiymətləndirilib.
