İngiltərə Premyer Liqası təmsilçisi "Nyukasl Yunayted" "Vulsinqton Holl" ərazisini alıb.

Offsideplus.az xəbər verir ki, klub təxminən 190 milyon funt-sterlinq (222 milyon avro) dəyərində olan yeni müasir təlim kompleksinin layihəsini rəsmən elan edib.

• Tarixi arazinin bərpası: Klub Nyukasl hava limanının yaxınlığında yerləşən 260 akrlıq tarixi "Vulsinqton Holl" mülkünü və ətraf park ərazisini bərpa edərək dünya səviyyəli idman bazasına çevirəcək.

• A komanda, akademiya və qadın futbolu: Müasir kompleks A komandası və akademiya ilə yanaşı, qadın və gənc qızlar komandalarının da istifadəsi üçün elastik infrastrukturla təmin olunacaq.

• Köçmə tarixi: Ərazi üçün rəsmi tikinti və imar icazəsi müraciəti təqdim edildikdən sonra, A komandasının 2029-30 mövsümünün başında yeni bazaya köçməsi nəzərdə tutulur.