Beynəlxalq yoldaşlıq matçı çərçivəsində keçirilən Azərbaycan - Macarıstan oyunundan öncə "Sabah" və "Honved" klubu arasında rəsmi əməkdaşlıq müqaviləsi imzalanıb. 

Offsideplus.az xəbər verir ki, Macarıstanın köklü klublarından biri olan “Honved”lə əməkdaşlıq çərçivəsində məşqçi heyətinin qarşılıqlı təcrübə mübadiləsi, müxtəlif yaş qrupları üzrə yoldaşlıq görüşlərinin təşkili, gənclər üçün beynəlxalq turnirlərdə qarşılıqlı iştirak, eləcə də futbolçuların mübadiləsi və inkişafına yönəlmiş proqramlarin keçirilməsi planlaşdırılır. Eyni zamanda, hər iki klubun məşqçiləri və oyunçuları üçün təlim və seminarların keçirilməsi nəzərdə tutulur.

Əməkdaşlığın əsas məqsədi – Azərbaycan və Macarıstan futbolu arasında əlaqələri daha da inkişaf etdirmək, futbolun inkişafına töhfə vermək, peşəkar bilik və təcrübə paylaşımı ilə gənc futbolçuların yetişdirilməsinə şərait yaratmaqdır.