Azərbaycanın cüdo üzrə milli komandasının dünya çempionatı üçün heyət açıqlanıb.
Offsideplus.az Azərbaycan Cüdo Federasiyasının mətbuat xidmətinə istinadən xəbər verir ki, yarışda ölkəmizi 10 çəki dərəcəsində 13 idmançı (9 kişi, 4 qadın) təmsil edəcək.
Qarşıdakı mötəbər turnirə olimpiya çempionu Hidayət Heydərov da aparılacaq. Bu, Paris Olimpiadasından sonra cüdoçumuz ilk yarışı olacaq. O, ötən ay zədə səbəbindən Avropa çempionatını buraxıb.
Dünya çempionatında milli komandamızın üzvləri performans direktoru, kişilərdən ibarət yığmanın baş məşqçisi Riçard Trautman, böyük məşqçilər Elxan Məmmədov, Elçin İsmayılov, Robert Kravçik və Slavko Tekiç, qadınlardan ibarət yığmanın baş məşqçisi Amina Abdellatif və böyük məşqçi Saşa Herkenrat-Vimarın rəhbərliyi ilə tatamiyə çıxacaqlar.
Yarış 13-20 iyun aralığında Macarıstan paytaxtı Budapeştdə yerləşən "Laslo Papp" İdman Arenasında keçiriləcək.
Kişilər
60 kq
Əhməd Yusifov
66 kq
Ruslan Paşayev
73 kq
Hidayət Heydərov
Rəşid Məmmədəliyev
81 kq
Zelim Tçkayev
90 kq
Elcan Hacıyev
Vüqar Talıbov
100 kq
Zelim Kotsoyev
+100 kq
Uşanqi Kokauri
Qadınlar
48 kq
Leyla Əliyeva
Könül Əliyeva
52 kq
Gültac Məmmədəliyeva
57 kq
Fidan Əlizadə
Qarışıq komanda yarışı
70 kq
Aytac Qardaşxanlı
Günel Həsənli
