“Neftçi” 2024-25 mövsümü üçün ilk transferini açıqlayıb.
Offsideplus.az xəbər verir ki, "ağ-qaralar" Edvin Kuçu transfer edib. Monteneqro milli komandasının üzvü ilə 3 illik müqavilə imzalanıb.
Qeyd edək ki, 30 yaşlı yarımmüdafiəçi Monteneqronun “Berane” (2012-2013), “Deçiç” (2013-2014, 2016-2017), “Mladost” (2015-2016), “Rudar” (2017-2019), Çexiyanın “Viagem Usti nad Labem” (2014-2015), Kosovonun “Ballkani” (2019-2024) və “Gyilani” (2020) klublarında çıxış edib, Monteneqro milli komandasının heyətində 7 oyun keçirib, 3 qol vurub. O, Monteneqro çempionatının (2016), Kosovo çempionatının (2022, 2023, 2024), kubokunun (2024) və Superkubokunun (2023) qalibi olub.
View this post on Instagram
